يدوب يقفل من هنا فالمزيكا تشتغل
For script of the scene, see below.
ح: فحكاية المزيكا بقى دي كل شوية هو يخش يا ابني المزيكا وبتاع واطفي ومش عارف ايه فـ رُحت عامل وصلة من الكاسيت سلك ماشي كده من ورا المكتب نازل عـ الارض على البتاع طالع على حلق الباب واخد بالك ونازل مش عارف ايه وبتاع ورحت موصله بأوقرة الباب اول مـ يفتح الباب الباب لما يقفل كده يلمس فالكاسيت يشتغل
ش: يا سلام
ح: اول مـ يفتح الباب فاهم يقوم ايه يقوم الكاسيت يفصل
ش: فاضل
ح: طبعا الموضوع ده كان هيجننه لانه بيبقى سامع مزيكا برا هو قاعد سامع مزيكا في الصالة فاهم فـ يجي ايه يخش بيتسحب هو فاهم فيفتح كده المزيكا تسكت وانا بعيد عن الكاسيت فـ ابتدى اول مرة يخش فـ مظلوم طبعا مظلوم جدا فهو في قرارة نفسه يعني يحس انه ظلمني يعني فـ مايقولش فاهم لا انا بطمن عليك يدوب يقفل من هنا فالمزيكا تشتغل فيفتح فالمزيكا تفصل فيقفل لغاية اما مرة دخل قال لي انا سامع صوت مزيكا يا بابا ده تلاقيه من الشارع ولا بتاع ولا مش عارف ايه وانا عشان من النوع اللي بيستهبل فـ بعد كده ايه اما يجي يقفل الباب ابتديت بقى اعلي المزيكا فاهم اللي هو
ش: اطمن انه مش من عندك
ح: خلاص بقى مش من عندي